我是小學雞

星期日參加了舊同事的晚宴，

諗住都係悶悶地，

又見舊同事個仔自己係到打機悶悶地，

求其撩佢講下嘢....

點知....

同一個舊同事個仔一拍即合，

玩左成晚!!

玩到出晒汗，玩到跌落地，玩到成晚個婚宴做過咩都唔係好知，玩到連佢張八達通都唔見埋.....

人地係小學二年級，而我已經差唔多卅歲人喇~~

佢教我打機..

結果:佢玩到LVL25、我過唔到第5關！

佢又教我猜左一拳右一拳...

結果:我2邊都出剪，佢話:姐姐，無人猜左一拳右一拳會咁出架....

玩打擂台:

我輸

然後我地又鬥快食晒D嘢...

結果:都仲係我輸> <"

兩個人成晚又笑又嘈又坐唔定，感覺上係帶左兩個小朋友去飲宴!!

仲有好有可能失禮左主人家，被同台的人懷疑主人家唔知識啲咩朋友.

最後，我仲蠢到袋左個橙返屋企，仲要到第二朝發現....=.="

唔知如果我話，我只係為左TUM個小朋友先扮既，有無人會信呢....？